Шабыт пен тәжірибе: Almaty Management University студенттерімен кездесу

«Біртұтас тәрбие» бағдарламасын іске асыру, оқушылардың еңбекқорлығы мен кәсіпқойлығын дамыту аясында 2025 жылғы 21 ақпанда мектепте жоғары сынып оқушылары мен Almaty Management University (AlmaU) студенттері арасында қызықты кездесу өтті.

Болашақ талапкерлер жоғары білім алу мүмкіндіктері, студенттік өмір және менеджмент, бизнес пен экономика салаларындағы мансаптық перспективалар туралы ақпарат алды. Студенттер оқуға түсу және оқу барысындағы жеке тәжірибелерімен бөлісіп, университет бағдарламалары туралы айтып, мектеп оқушыларының сұрақтарына жауап берді. Кездесу жылы әрі шабыттандыратын атмосферада өтті. Көптеген қатысушылар өздерінің болашақ мамандығын таңдауға қатысты құнды кеңестер алғандарын атап өтті.

(қамту: 58 адам)