«Баланың әл-ауқаты – мемлекеттің қамқорлығында»

2025 жылғы 27 мамырда республикалық олимпиадалар мен байқауларда жүлделі орындарға ие болған дарынды оқушыларды марапаттау салтанаты өтті. Қостанай облысы әкімінің орынбасары Нәрымбетов Бақытжан Хаберұлы, Қостанай облысының Білім басқармасы мен облыстық “Дарын” орталығының өкілдері республикалық деңгейде екінші және үшінші орын алған оқушыларды құттықтап, оларға ақшалай сыйлықтар табыстады. Өз сөзінде Бақытжан Хаберұлы Нәрымбетов оқушылардың жетістіктері олардың табандылығының, талантының және мұғалімдер мен ата-аналардың қолдауының нәтижесі екенін атап өтті. Сондай-ақ, бұл жетістіктер Қостанай облысының республикалық деңгейдегі беделін арттыруға септігін тигізетінін ерекше айтты. Облыс әкімінің Құрмет грамоталарымен балаларды дайындаған мұғалімдер марапатталды. Биыл МАТМЛИ “Озат” мектебінен республикалық олимпиадалардың жүлдегерлерін дайындаған екі педагог – Баймағанбетова А.П. мен Нугуманова К.А. қатысты. Олар дайындаған оқушылар: Жумасова А. (2-орын), Абжанова Н. (3-орын), сондай-ақ Республикалық ғылыми-тәжірибелік конференция жүлдегерлері – Ибрагимова Р. мен Сенько Д. (3-орын), Жақсыбаева Р. (2-орын).