Конкурстық іріктеу туралы хабарландыру
Құрметті үміткерлер мен ата-аналар!
Қостанай облысы әкімдігі білім басқармасының «Озат» мамандандырылған ақпараттық технологиялар мектеп-лицей-интернаты» КММ-сі 2025-2026 оқу жылына қазақ және орыс тілдерінде оқытатын 7-сыныпқа қабылдауды жүргізеді.
Құжаттарды қабылдау 2025 жылғы 1 ақпаннан 15 сәуірге дейін http://www.qabyldau.daryn.kz/ сайттағы онлайн-жазба нысанында жүргізіледі.
Құжаттар тізімі
1) баланың ата-анасынан немесе өзге де заңды өкілінен өтініш;
2) ЖСН көрсетілген баланың туу туралы куәлігінің көшірмесі;
3) үміткердің электрондық мекенжайын көрсете отырып, ұйымның мөрімен расталған фотосуреті бар оқу орнынан баланың анықтамасы;
4) 3х4 мөлшеріндегі 2 дана баланың фотосуреті;
5) халықтың әлеуметтік осал санаттарына жататынын растайтын құжаттардың көшірмелері.
Құжаттарды қабылдаудан бас тарту үшін конкурсқа қатысу туралы өтінішті белгіленген мерзімнен кейін беру немесе құжаттардың толық емес пакеті негіз бола алады.
Кешенді тестілеу 2025 жылғы 15 мамырдан 15 маусымға дейін өткізіледі.
7 сыныпқа түсушілер үшін тестілеу келесі пәндер бойынша 75 сұрақтан тұрады:
– математика және логика – 55 сұрақ;
– оқу сауаттылығы – 10 сұрақ;
– Қазақстан тарихы – 10 сұрақ.
7-сыныпта тестілеуге бөлінген уақыт 120 құрайды (тест материалдарын таратуға, жауап парағының секторларын толтыруға, сондай-ақ көрсетілген уақытта түсіндіру жұмыстарына уақыт кірмейді).
Конкурс офф-лайн режимінде (тестілеу) өтеді. Білім алушыларды қабылдаудың ашықтығын қамтамасыз ету үшін ғимаратқа, аудиторияға және конкурстық іріктеу өткізілетін орынға іске қосу үшін пайдаланылатын бейнебақылау және аудиожазба жүйелері орнатылады. Конкурстық іріктеу нәтижелері бойынша апелляция өткізілмейді.
Тесттің қорытынды нәтижелерін есептеу кезінде дұрыс жауаптар саны “4” (төрт) коэффициентіне көбейтіледі, ал бір қате жауап “-1″коэффициентіне көбейтіледі. Осылайша, жалпы қорытынды есептеледі(4 * дұрыс жауаптар + ( – ) * қате жауап= жалпы қорытынды балл).
«Дарын» орталығы, облыстық, Нұр-сұлтан, Алматы, Шымкент қалалары білім басқармалары өткізетін Республикалық олимпиадаларға қатысу туралы дипломның облыстық кезеңінің жеңімпаздары мен жүлдегерлері алған баллдарының саны бірдей болған кезде қабылдау кезінде артықшылыққа ие болады.
Қостанай облысы әкімдігі білім басқармасының «Озат» мамандандырылған ақпараттық технологиялар мектеп-лицей-интернаты» КММ оқуға үміткерлерді қабылдау бос орындарға сәйкес ең көп балл санынан жүргізіледі.
2025-2026 оқу жылында барлық квоталарды ескере отырып, 40 оқушыны (қазақ тілінде 20 оқушы және орыс тілінде оқытатын 20 оқушы) қабылдау жоспарлануда.
Мамандандырылған білім беру ұйымы мынадай квоталарды бекітеді:
1) «Мың бала» ауылдық мектептерінен ұлттық зияткерлік олимпиаданың жеңімпаздары үшін 7-сыныпқа қабылданатын білім алушылардың жалпы санының 10% мөлшерінде;
2) халықтың әлеуметтік осал санаттары үшін 5, 6, 7, 8 және 10-сыныптарға қабылданатын білім алушылардың жалпы санының 15% мөлшерінде.