«Менің отбасым – менің байлығым»

2025 жылғы 28 ақпанда мектебімізде «Менің отбасым – менің байлығым» атты жылы әрі әсерлі іс-шара өтті. Ол отбасы құндылықтарына, дәстүрлерге құрметпен қарауға және ұрпақтар сабақтастығына арналды. Іс-шараға 6 отбасы қатысты: Қанапиндер, Дюсенбай, Әбелжан, Нығметолда, Досановтар, Нұржікеновтер. Отбасылар өздерін бейнероликтер, презентациялар және авторлық өлеңдер арқылы таныстырып, шығармашылық қабілеттерін көрсетті. «Біздің отбасымыздың бір күні» атты екінші байқауда қатысушылар өздерінің креативтіліктерін байқатты. Ең ерекше сәттердің бірі – отбасы тарихы, фотосуреттер мен дәстүрлері туралы әсерлі презентациялар болды. Домбырада ойнау, би билеу, өлең оқу және қолөнер – осының барлығын фестиваль қатысушылары шығармашылық байқауда көрсетті. Әр отбасы белгілі бір номинация бойынша жеңімпаз атанып, бағалы сыйлықтармен марапатталды. Бұл іс-шараның өтуіне қолдау көрсеткен мектептің Қамқоршылық кеңесіне алғысымызды білдіреміз. Іс-шара барлығына отбасының әр адамның өміріндегі басты тірек екенін, ал сүйіспеншілік пен өзара түсіністік оның шынайы байлығы екенін еске салды.